Меѓународната агенција за истражување на ракот (IARC), Светската здравствена организација (СЗО) и Заедничкиот експертски комитет на ФАО/СЗО за адитиви во храната (JECFA), објавија проценка на влијанието на здравјето на засладувачот аспартам. Аспартамот кој се користи во низа производи, од диетални газирани пијалоци, до гуми за џвакање, овој месец ќе биде прв пат опишан како „можен канцероген за луѓето“, пренесе „Н1“.
Повикувајќи се на „ограничени докази“ за канцерогеноста кај луѓето, Меѓународната агенција за истражување на ракот го класифицираше аспартамот како можно канцероген за луѓето, a Заедничкиoт стручен комитет на ФАО/СЗО за адитиви во храната (JECFA), потврди дека прифатлив дневен внес од 40мг на килограм телесна тежина.
Меѓународната агенција за истражување на ракот, чиј заклучок е финализиран овој месец, по состаноците и со надворешни експерти, има за цел да процени дали нешто е потенцијална опасност или не, на основа на сите објавени докази. Тие не се бават со тоа колкава количина од производот човекот може безбедно да ја консумира. Таква препорака даваат друг стручен одбор на СЗО за прехранбени адитиви, познат како JECFА. Слични заклучоци на Меѓународната агенција за истражување на ракот, во минатото за различни материи, предизвикаа загриженост меѓу потрошувачите во поглед на нивната консумација, a доведоа i до тужби и извршија притисок на производителите да ги преиспитаат рецептите и да ги заменат со други алтернативи.
Тоа доведе до критика дека Меѓународната агенција за истражување на ракот може да ја збуни јавноста.
Инаку, Заедничкиoт стручен комитет на ФАО/СЗО за адитиви во храната (JECFA) JECFA, смета дека аспартамот е сигурен за консумација во рамки на дневно прифатените граници. На пример, возрасна личност тешка 60 килограми, за да биде во опасност, дневно треба да испие меѓу 12 и 36 лименки диетални пијалоци (зависно од количините на аспартам во секоја од нив).
