fbpx

Србија и Унгарија ќе му предложат на регионот да се приклучи кон изградбата на брза пруга

Српскиот министер изјави дека оваа иницијатива се совпаѓа со иницијативата Отворен Балкан и дека кога станува збор за железничкиот сообраќај, може да биде еден вид „Отворен Балкан Плус“

-

Србија и Унгарија ќе ги поканат Северна Македонија, Албанија, Грција, Бугарија и Турција да се приклучат кон изградбата на брзата железница во регионот, која за почеток ќе ги поврзува Будимпешта и Белград, а подоцна и Ниш и Прешево. Ова денеска од Будимпешта го соопшти српскиот министер за градежништво, транспорт и инфраструктура Горан Весиќ по средбата со унгарскиот колега Лазар Јанош, пренесува Танјуг.

Весиќ рече дека на средбата во Унгарија се разговарало за продолжување на брзата пруга кон Ниш, а потоа и кон македонската граница.

„Се договоривме заеднички да потпишеме иницијатива и да испратиме покана до министрите за транспорт на Турција, Бугарија, Северна Македонија, Албанија и Грција и да разговараме за продолжување на брзата пруга кон Албанија, односно преку Северна Македонија кон Грција и преку Бугарија кон Истанбул, како брзата пруга навистина би добила смисла и би ги поврзала нашите две земји и со турскиот и грчкиот брег за патнички и товарен сообраќај“, истакна Весиќ.

Српскиот министер за Танјуг изјави дека оваа иницијатива се совпаѓа со иницијативата Отворен Балкан и дека кога станува збор за железничкиот сообраќај, ова може да биде еден вид „Отворен Балкан Плус“.

Србија и Унгарија заеднички ќе градат три железници и ќе ги поврзуваат подобро нивните автопатски врски. Покрај брзата пруга Белград – Будимпешта, ќе бидат изградени и пруги на релации Суботица – Сегедин и Суботица – Баја.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Мицкоски на средба со амбасадорите на државите членки на ЕУ

Премиерот Христијан Мицкоски денеска се сретнал со амбасадорите на државите-членки на Европската унија. Тие разговарале за актуелната политичка и економска состојба во земјата, како и за напредокот на државата...