fbpx

Со стари и неповрзани фотографии се манипулира дека Господ го казнил Бразил поради карневалот

Четвртата фотографија каде што се гледа бура од прашина, исто така, не е снимена ниту во Бразил, ниту оваа година. Станува збор за бура што се случила во 2019 година во Милдура, град во Австралија

-

Фотографиите од карневалите кои се прикажани во постот не се од оваа година, ниту пак, се од иста година, а некои не се ни од Бразил. Истото се однесува и на фотографиите коишто се од временски непогоди – и тие не се неодамнешни, а некои од нив не се од Бразил, пишува „Вистиномер“ во својата анализа.

Текстот подолу го пренесуваме во целост:

 

Објава на Фесјбук тврди дека во февруари се одржал карневал во Бразил на којшто бил исмеван Исус Христос и дека поради тоа се случиле некои природни катастрофи. Оваа е чиста невистина.

Во Бразил, на 19 февруари се одржа карневал, каде беше исмеван Господ Иисус Христос како е победен и истеран од тронот и на негово место поставен Сатаната. Но, по неколку часа ги стигнал Божјиот гнев…
Преземено од напис на бразилски жител, пишува во постот.

Во самиот пост се тврди дека Господ го казнил Бразил со природна непогода затоа што неколку дена претходно на карневалот бил исмеван Господ Исус Христос. Како поткрепа на оваа заговорничко сценарио се прикачени 10 различни фотографии, кои треба да претставуваат наводен доказ дека трагедиите и уништувањето што се случиле, се поврзани со „сатански претстави“ кои биле прикажани на карневалот во Бразил на 19 февруари.

Нашата проверка покажа дека во постот, всушност, е прикажан колаж од неколку фотографии преземени од интернет, со кои измамуваат читателите да поверуваат во нешто што не е вистина. Фотографиите се направени пред неколку години, во различни временски периоди, а  исто така, сите не се од Бразил.

Фотографиите закачени на објавата немаат никаква врска една со друга, ниту пак, се случиле во иста година како и карневалот.

Првата фотографија е всушност од парада којашто се случила во бразилскиот град Сао Паоло пред четири години односно во 2019 година, а не во февруари оваа година. Од истиот карневал е и втората фотографија.

На третата фотографија којашто и самата е колаж од неколку фотографии, најголемата фотографија од десна страна воопшто не е снимена во Бразил. Станува збор за фотографија снимена пред цели 10 години, на карневал во Мадрид, Шпанија.

Четвртата фотографија каде што се гледа бура од прашина, исто така, не е снимена ниту во Бразил, ниту оваа година. Станува збор за бура што се случила во 2019 година во Милдура, град во Австралија.

Фотографијата (петтата по ред) на којашто е прикажан голем облак од црвена прашина е снимена во 2021 година, во Сао Паоло во Бразил. Овој облак се случил бидејќи била насобрана голема количина прашина поради долг временски период без дожд. И следните, шеста фотографија и седма фотографија се од таа бура од прашина во Сао Паоло.

Осмата фотографија е од пред две години, снимена за време на поплавите предизвикани од излеаната река Кахоеира во Итабуна, државата Баија во Бразил на 26 декември 2021 година.

Деветтата фотографија од објавата што ја рецензираме е снимена за време на големи поплави во Бразил, предизвикани од обилни врнежи на дожд во декември 2022 година, при што загинале неколку лица.

Последната фотографија е направена во Бразил во февруари оваа година, при поплави од поројни дождови, каде десетици луѓе загинале во неколку градови во северниот дел на државата Сао Паоло.

Значи, фотографиите од карневалите кои се прикажани на објавата не се од оваа година, ниту пак, се од иста година, а некои не се ни од Бразил. Истото се однесува и на фотографиите коишто се од временски непогоди – и тие не се неодамнешни, а некои не се ни од Бразил. Затоа, оваа објава којашто тврди дека временските непогоди се поврзани со карневалот во Бразил,  ја оценуваме како невистина.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска: Членството во НАТО отвора можност за развој на науката и технологијата

„Членството во НАТО на сите членови на академската заедница- професори, истражувачи и студенти им отвора нова димензија на поддршка, на можност за соработка со колегите од сојузничките и партнерски...