Мирно заврши и денешниот протест пред Владата на Република Македонија. Граѓаните кои протестираат против одлуката за аболиција на функционери, денеска се движеа од Специјалното јавно обвинителство, преку Собранието сè до Владата.
На пат кон Собранието, тие повторно ги обоија фасадите на Министерството за правда, како и на Народната канцеларија на претседателот Иванов. Таму, дел од демонстрантите, во знак на револт, палеа негови фотографии.
Демонстрантите го обоија Министерството за правда #ШаренаРеволуција #п #протестирам pic.twitter.com/vjFqCW3Vnk
— META.mk (@meta_agency) April 26, 2016
Во боите на протестот повторно обоена канцеларијата на претседателот Иванов #ШаренаРеволуција #п #протестирам pic.twitter.com/kiioeUeu7J
— META.mk (@meta_agency) April 26, 2016
Студентката Ивана Туфекџиќ пред насобраните кај Собранието им се обрати и на сите оние кои пијат кафе и не се „замараат“ со политика.
– Мирни ли сте кога Иванов помилува криминалци, а во затвор се лежи за украдени ќебапи? Кога неправдата ќе затропа и на вашите врати, кафето ќе ви биде горчливо – рече Туфекџиќ, која е членка на „Студентски пленум“.
Со извици на „Нема правда, нема мир“ и свирежи, граѓаните пристигнаа пред Владата #Протестирам #П #ШаренаРеволуција pic.twitter.com/2QUe1HCSKx
— META.mk (@meta_agency) April 26, 2016
Од Собранието, граѓаните, со свирежи и со извици „Лопови“, „Затвор не ти гине Никола“, „Нема правда, нема мир“, се упатија пред Владата, каде и го завршија протестот.
Освен во Скопје, граѓаните излегоа на протест и во Тетово, Кичево, Струмица, Велес, Радовиш, Битола и во Прилеп.
