Ѓорге Иванов, човекот кој ги прекрши законите и највисокиот акт, Уставот на Република Македонија, не може да се повикува на правни норми, реагираат од СДСМ на изјавата на Иванов во Софија.
„За послушникот Ѓорге Иванов не постои право и правна држава, тој само ги спроведува нарачките од Никола Груевски. Лицето Ѓорге Иванов наместо лицемерно да се повикува зад правни акти нека ги поништи сите срамни одлуки за аболиција што ги донесе по налог на Никола Груевски. Ставот на целата демократска јавност во Македонија, но и на меѓународната заедница е дека делумното повлекување на аболицијата од страна на Ѓорге Иванов е неприфатливо“, пишува во соопштението на СДСМ.
Од партијата велат дека владеењето на правото, правната држава и законот мора да важат за сите подеднакво и дека хаосот што го создаде Иванов, за да ги заштити криминалците во власта, може да се реши само со целосно поништување на неуставните одлуки за аболиција.
„Само целосното поништување на аболицијата ќе значи дека законот е еднаков за сите, се вели во соопштението.