fbpx

Сиљановска Давкова ќе се придржува до официјалната примена на уставното име

Во своите јавни настапи, македонската претседателка има право да го употребува името Македонија, како чин на лично право на самоопределување и самоидентификација. Претседателката Гордана Сиљановска Давкова ќе се придржува до официјалната примена на уставното име, се вели во соопштението на претседателскиот кабинет

-

Претседателката во јавните настапи има право да го употребува името Македонија, како чин на самоопределување, а таа ќе се придржува до официјалната примена на уставното име.

Ова е ставот на претседателскиот кабинет, по многуте жестоки реакции во јавноста, откако, давајќи ја свечената заклетва во Собранието, новата претседателка Гордана Сиљановска Давкова, не го употреби уставното име. Таа наместо „Република Северна Македонија“, рече „Македонија“.

„Во своите јавни настапи, македонската претседателка има право да го употребува името Македонија, како чин на лично право на самоопределување и самоидентификација, почитувајќи ги основните човекови права и слободи, и согласно европските вредности и начела. Претседателката Гордана Сиљановска Давкова ќе се придржува до официјалната примена на уставното име“, се вели во соопштението на претседателскиот кабинет.

Согласно Уставот, велат оттаму, како што била подготвена од службите на Собранието, свечената заклетва била потпишана со користење на уставното име.

„Македонските институции во последниве 5 години речиси целосно ги исполнија обврските од Преспанскиот договор и претседателката очекува сите македонски партнери да ги почитуваат билатералните и мултилатерални обврски кои ги презеле кон земјата“, пишува во соопштението.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Старо видео од протест во Истанбул, споделено како ново по нападот врз Рафах на 26 мај

Турските медиуми не објавија за ниту еден протест пред конзулатот на Израел во Истанбул по воздушниот напад на Рафах на 26 мај. Новинската агенција Демирен на 27 мај објави...