„Никола Груевски виде колку е часот и затоа се скри од граѓаните и за празник одлучи да го протне својот срамен, принуден реизбор во партијата“, се вели во соопштението на СДСМ, како реакција на денешното обраќање на Груевски пред делегатите и гостите на 15. Конгрес на ВМРО-ДПМНЕ, кој викендов се одржува во Куманово.
„Ги призна Груевски доказите од проектот „Вистината за Македонија“, што го разобличија неговото вистинско, сурово и криминално лице. Ги призна и катастрофалните политики, што не успеа да ги покрие со честите менувања на законите, коишто направија ’ршум во сите области. Го призна и апсурдниот проект „Скопје 2014“, што однесе повеќе од 600 милиони евра во џебовите на фамилијата“, стои во соопштението на СДСМ.
Во него се додава дека само Груевски „не може да го види она што го гледаат сите, и неговите сопартијци, па дури и оние од тесната група околу него, дека со него е готово“.
