Членовите на собраниската комисија за образование и денеска со довикување и со зајадливи и навредливи зборови ја продолжија расправата за формирањето на новиот универзитет „Дамјан Груев“.

Пратеникот од СДСМ, Бетиан Китев, рече дека пред да се почне со амандманска расправа, мора да се расчисти процедурата според која треба да се дискутира за амандманите и за законот. Тој ја праша претседателката на комисијата, Олга Најденовска, дали некој професор или правник ја поддржал одлуката што таа пред десетина дена ја донела, а со која се ограничува времетраењето на говорите.

Најденовска, пак, не му одговори директно на прашањето и го повика пратеникот да ги образложи амандманите што ги предложил.

Пратеничката Солза Грчева побара на пратениците да им бидат доставени елаборатот, финансискиот план и имињата на 23 лица што потпишале дека ваков универзитет треба да се формира.

Заменик-координаторката на опозициските пратеници, Соња Мираковска, рече дека Собранието е само продолжена рака на владата и со донесените одлуки грубо се прекршува деловникот.

На оваа седница пратениците од место си дофрлуваат зајадливи и навредливи зборови.