Според денешната одлука на Регулаторната комисија за енергетика и водни услуги на Република Северна Македонија (РКЕВУ), по полноќ нови цени ќе добијат дизел горивото и екстралесното масло за домаќинство и бензинот Супер 98. Првите две горива ќе бидат поевтини за половина денар по литар, Супер 98 ќе се продава за половина денар по литар поскапо отколку сега.
Од РКЕВУ одлуката ја објаснуваат со промена на референтните цени на нафтените деривати на светските пазари и со паѓањето на вредноста на доларот во однос на денарот.
Од 05.9.2023 година од 00:01 часот, максималните цени на нафтените деривати ќе изнесуваат:
Моторен бензин ЕУРОСУПЕР БС – 95 = 87 денари/литар
Моторен бензин ЕУРОСУПЕР БС – 98 = 89,5 денари/литар
Дизел гориво ЕУРОДИЗЕЛ БС (Д-Е V) = 81 денари/литар
Масло за горење Екстра лесно 1 (ЕЛ-1) = 80,5 денари/литар
Мазут М-1 НС = 46,158 денари/килограм
