Еуродизелот, еуросупер БС-98 и екстра лесното масло за домаќинство, поскапуваат за еден денар односно за денар и половина, одлучи Регулаторната комисија за енергетика (РКЕ). Не се менува само малопродажната цена на бензинот Еуросупер БС-95, 85 денари за литар.
„Малопродажната цена на бензинот Еуросупер БС-98, се зголемува за 1,5 денари за литар, па новата цена на ова гориво ќе изнесува 87 денари за литар. Малопродажните цени на Еуродизел и на екстра лесното масло за домаќинство (ЕЛ-1), се зголемуваат за 1 денар, па така, литар дизел ќе чини 77 денари, а екстра лесното масло 76 денари“, наведено е во соопштението на РКЕ.
Малопродажната цена на Мазутот М-1 НС, се зголемува за 0,979 ден/кг, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 22.03.2024 година и со тоа малопродажната цена на Мазутот М-1 НС изнесува 44,7 денари.
