По текстот на „Мета“, дека парите за панорамското тркало, кое ќе чини 15,5 милиони евра, можат да спасат 516 Тамари, на социјалните мрежи секој трошок на Владата почна да се пресметува во пари за болни лица, луѓе без дом, амбулантни возила, студентски домови.
Со вкупно 19,2 милиони евра кои ќе се потрошат за ограда на Владата, за таблет-компјутерите за студентите и со парите колку што чини плацот на Водно за кој се сменил детален урбанистички план, може да се излекуваат 640 болни деца чие лекување чини 30.000 евра, како тоа на малата Тамара од Велес.
Запамтете ги овие 700.000 евра за ОГРАДАТА! https://t.co/NRUw2dQJ0Q pic.twitter.com/DEWZCJzAlR
— ✖She (@IrenaMila2) March 23, 2015
Неколку месеци откако зградата на Владата доби нова фасада, која чинеше речиси 10 милиони евра, таа ќе се оградува со метална ограда од ковано железо, која ќе чини 700.000 евра. На „Твитер“ има серија коментари дека со 700.000 евра, колку што ќе чини оградата на владата, можат да се излечат 23 болни деца.
#Тамара почина затоа што власта не одвои 30.000 евра за операција. Сега ни земаат 700.000 (или 23 операции) за ограда. Зошто им дозволуваме. — Ines Efremova (@Inna_E) March 23, 2015
Колку кошта ова? – 700.000 евра Може да ми кажеш во единица мерка излечени болни деца? – 23. Благдарам. — Медо (@MedoDimoski) March 23, 2015
Пред два дена, лидерот на СДСМ, Зоран Заев, го обвини премиерот Никола Груевски дека со промена на деталниот урбанистички план, од зеленилото на Водно направил градежно земјиште кое по денешна пазарна вредност чини 17 милиони евра.
„Ако ова не е Никола Груевски, тогаш кој Груевски е? Не, ова е Никола Груевски по чиј налог зеленило и рекреативни појаси на скопјани на Водно, станале градежно земјиште. Од новиот детален урбанистички план што Груевски насила сака да важи, се гледа дека станува збор за план за објекти, само на име на фирмата од Белизе, од 14.500 квадратни метри развиена површина, коишто по денешна пазарна цена за земјиште на Водно, ќе тежат повеќе од 17 милиони евра“, рече Зоран Заев на прес-конференцијата пред два дена, кога ја објави последната „бомба“.
Еден од твитовите вели дека Македонија за образование годишно троши 30 милиони евра, а друг дека и со овие пари можат да се излечат многу болни деца.
Македонија троши 30М евра годишно за целото високо образование. Се’ комплет, топтан. Ете толку вредат 17М евра. — Igor Trajkovski (@mkrobot) March 23, 2015
17.000.000,00 евра (седумнаесет милиони евра) Е толку кошта земјиштето на #Ж на Водно. Колку болни деца е во превод, пресметајте сами. — Сплинтер (@sinisa_goliOtok) March 23, 2015
Владата најави дека во наредниот период ќе набави таблет-компјутери за студенти кои ќе чинат околу 96 милиони денари, односно 1,5 милиони евра, и ќе бидат обезбедени од буџетот на Министерството за информатичко општество и администрација. Коментарите за овој проект се дека на студентите не им се потребни таблети додека студентските домови се распаѓаат и немаат парно и додека учениците од село Држилово четири месеци не одат на училиште затоа што нема буџет за наставник.
96 милиони денари ќе одат за таблети од буџетот додека во студентските домови нема струја/вода/парно. 96 милиони денари. — Zdravko Spasev (@kenzoawa) March 24, 2015
16.03.2015 – власта ветува 300000 таблети за учениците. 23.03.2015 – учениците од Држилово ја молат власта да вработи учител да ги описмени. — Д Хелга (@The_BB_) March 23, 2015
*Терминот „забегани“ е преземен од оценката на министерката за внатрешни работи Јанкулоска во врска со економските политики на нејзината влада откако министерот за финансии Ставрески изјавува „Ние сме лудаци!“. „Буквално“, одговара Јанкуловска, „терминот што го употребуваат комуњарите ’забегани’, тоа е тој термин“. Еве линк до разговорот https://www.youtube.com/watch?v=E3d2xPAZcy4