Претседателот на Србија, Томислав Николиќ, денеска им порача на амбасадорите на 80 земји акредитирани во Белград дека разгледувањето на барањето за прием на Косово во УНЕСКО негативно ќе влијае на дијалогот во Брисел и оти секој наметнат одговор би бил расадник на идни судири.
Николиќ наведе дека Србија е единствената земја во Европа на која неколкупати по ред ѝ одземаат делови од територијата и со тоа и културното наследство. Тој истакна дека е лицемерно објаснувањето дека тие што го уништувале културното наследство на Србија на Косово, сега подобро ќе го штитат.
Николиќ оцени дека е важно „чувар на своето и на светското културно наследство да остане Србија, како полноправна членка на организација УНЕСКО“.