fbpx

Монтажна амбуланта на Детска клиника заради спречување на ширењето на корона вирусот

-

Поставена е монтажна општа амбуланта во состав на Универзитетската клиника за детски болести, чија цел е да се спречи евентуално ширење на Ковид-19 кај најмладите пациенти, соопшти Министерството за здравство, напоменувајќи дека амбулантата е поставена како дел од активностите за враќање на редовното работење на некои клиники.

Во оваа монтажна амбуланта ќе се прегледуваат сите деца кои не се закажани преку електронскиот систем МојТермин, а кои досега беа прегледувани во амбулантите во зградата на Детската клиника. Со новата амбуланта ќе се постигне да не доаѓаат во допир пациентите со закажан термин и оние кои доаѓаат на преглед.

Во новопоставената монтажна општа амбуланта има соба за интервенции, соба за преглед на пациенти, сестринска соба, тоалет, шалтер и чекална за пациентите.
Објектот е комплетно климатизиран и ќе функционира согласно сите стандарди за безбеден третман на пациентите. Монтажната амбуланта на Детската клиника е донација од Македонски Телеком.

Од Клиниката за детски болести напоменуваат дека децата кои се сомнителни или се со симптоми на Ковид-19 и понатаму ќе се прегледуваат и хоспитализираат во Болницата за белодробни заболувања Козле и на Инфективната клиника.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.
ФИНКИ

ФИНКИ бара Владата да ги ослободи бараките на Техничкиот кампус, во спротивно најавува протести и штрајк

Најбројниот факултет во земјава – Факултетот за информатички науки и компјутерско инженерство (ФИНКИ) бара од Владата решение за просторниот проблем со кој се соочува институцијата. Со повеќе од 5.000...