fbpx

Лична карта на жена од Кочани злоупотребена за подигање брз кредит

44 годишната жена се посомневала дека е измамена и случајот го пријавила во полиција

-

Нова малверзација со лични карти на граѓаните, кои се злоупотребуваат за подигање на брзи кредити. 44 годишна жена од Кочани со живеалиште во Пробиштип е најновата мета на измама, која вчера во 17 часот случајот го пријавила во полиција, информираат од Министерството за внатрешни работи (МВР). Таа пријавила дека нејзината лична карта била злоупотребена за некој во нејзино име да подигне брз кредит.

„Според пријавеното, на социјалната мрежа Фејсбук таа ја објавила својата трансакциска сметка за уплата на средства како донација за лекување на член на фамилија, по што едно лице преку порака на социјалната мрежа ѝ ја побарало личната карта за да направи донација, а по кратко време на сметката ѝ биле исплатени 70.000 денари од две финансиски друштва“, се наведува во дневниот билтен на МВР.

Како што е пријавено, веднаш по приливот на средства потоа ѝ се јавило машко лице кое, претставувајќи се како сопственик на фирма, ја известило дека наводно по грешка ѝ била извршена уплата на нејзината сметка и побарало парите да му ги врати, испраќајќи ги по такси возило во Скопје.

44 годишната жена се посомневала дека е измамена и случајот го пријавила во полиција.

Од МВР информираат дека во координација со јавен обвинител се преземаат мерки за расчистување на случајот. 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

(ВИДЕО) Денот на Општина Тетово се одбележа со отпадоци и со депонии

Денес се одбележа денот на Општина Тетово, а повеќе од една недела градот се гуши во отпадоци и депонии расфрлани насекаде. Решение за овој проблем немаат ниту општинските власти,...