Премиерот Димитар Ковачевски оствари средба со канцеларот на Германија Олаф Шолц, во рамки на Самитот на лидери на Берлински процес кој се одржува во Тирана, информираат од владината прес-служба.
На средбата присуствуваше и вицепремиерот за европски прашања Бојан Маричиќ, а се разговараше за европската перспектива на Северна Македонија и актуелните случувања во регионот. Премиерот го информираше Олаф околу сегашната состојба на пристапните преговори со Европската Унија.
Шолц ги поздрави досегашните чекори на Северна Македонија кон пристапувањето во ЕУ и даде силно охрабрување и поддршка за реализација на следните потребни чекори. Ковачевски истакна дека не смее да се пропушти оваа шанса дека гласот во парламентот за уставните измени е глас за европската иднина на државата.
Соговорниците се согласија дека забрзувањето на интегративниот процес е во политички интерес за целиот регион во однос на политичка, безбедносна и економска стабилност.
Инаку, Самитот на лидери на Берлински процес е годишна иницијатива започната во 2014 година засегната за проширувањето на ЕУ, конкретно за поранешните југословенски земји и Албанија.
