Лидерската средба меѓу претседателите на ВМРО-ДПМНЕ, СДСМ, ДУИ и на ДПА ќе се одржи по 16 часот во Клубот на пратеници.
Сепак, преговарачките тимови оставаат можност тоа и да не се случи доколку еврокомесарот Јоханес Хан почувствува дека нема шанси за напредок околу решавање на политичката криза во Република Македонија.
Преговорите во резиденцијата на Европската унија на Водно, кои почнаа во 9.45 минути, сè уште траат. Исто така, неофицијално се дознава дека Хан има готов план за излез од кризата, кој ќе им се понуди на лидерите на ВМРО-ДПМНЕ, Никола Груевски, и на СДСМ, Зоран Заев.