ЕУ наскоро може да го укине визниот режим со Туриција, даде надеж европскиот комесар за проширување и за односи со соседите, Јоханес Хан.
– Од моја гледа точка е целосно возможно по две години да се укинат визите за граѓаните на Турција, кои ќе патуваат во земјите опфатени со Шенгенскиот договор, бидејќи ќе бидат исполнети потребните услови – рече Хан во интервју за германскиот весник „Велт“.
Тој нагласи дека во тие услови спаѓаат интегрираното управување на границите и издавањето биометриски пасоши, но и соработката со ЕУ при откривањето на фалсификувани патни исправи.
Хан, сепак, упати критика за внатрешнополитичките случувања во Турција.
– За жал, во моментов Турција не се движи во европска насока. Таму недостига упорна борба против корупцијата – нагласи Хан.
