Европскиот претставник за добрососедска политика и за преговори, Јоханес Хан, оцени дека отворањето на првите поглавја во преговорите за членство на Србија во ЕУ „претставува заслужен момент за славење“.
– Нашиот фокус одлучно ќе се пренасочи на поддршка на прашањата за економско закрепнување и за владеење на правото за да осигураме отворање нови поглавја следната година. Нашата заедничка стратегиска цел е на сите граѓани на Србија да им донесеме корист од пристапувањето во ЕУ – наведе Хан пред утрешната посета на Белград.
Хан утре во Белград ќе се сретне со челниците на Србија и ќе говори пред пратениците во српското собрание.