Еврогрупата нема да ја продолжи финансиската програма за Грција. Првиот човек на Еврогрупата, Јирген Дајселблум, на прес-конференцијата по состанокот на европските министри за финансии, изрази голема разочараност од одлуката на грчката влада ги прекине ненадејно преговорите и да најави референдум, посочувајќи дека нема да го прифатат грчкото барање за продолжување на финансирањето додека не помине референдумот.
Дајселблум посочи дека грчката влада не разбрала дека ЕУ може и покажува флексибилност во преговорите.
– Преговорите не беа завршени, предлозите не беа конечни, но грчката влада го прекина процесот и ги одби предлозите – истакна Дајселблум, оценувајќи ја одлуката за референдум како нефер однесување кон грчкиот народ.
Првиот човек на Еврогрупата истакна дека финансиската помош и програма за Грција истекува во вторник и министрите за финансии на ЕУ ќе продолжат со состанокот денеска за да ги договорат следните чекори и да ја задржат силата и единството на еврозоната, како и за да го заштитат еврото.