Бројот на мигранти кои спијат на улиците на Париз е зголемен за една третина откако е отстранет мигрантскиот камп Џунгла во пристанишниот град Кале.
На булеварите и во каналите во североисточниот дел на Париз поставени се неколку стотини шатори во кои спијат мигрантите.
Increase in migrants sleeping rough in Paris after Calais closure pic.twitter.com/5US94F9Tfi
— The Telegraph (@Telegraph) October 28, 2016
Заменичката на градоначалникот на Париз, Коломб Бросел, изјавила дека присуството на мигранти на улиците на претстолнината не е ништо ново, но нивниот број значително се зголемил од почетокот на неделата, кога беше затворен кампот.
– Забележан е зголемен број на шатори, поставени се околу 50 нови. Сега, вкупно има околу 750 шатори – изјавила Бросел, додавајќи дека тоа значи дека околу 2.000 до 2.500 луѓе спијат во североисточната област на Париз.
Француските власти го отстранија кампот Џунгла во Кале на почетокот на оваа недела, а повеќе од 6.000 мигранти префрлени се низ целата територија на Франција.
