Полициската акција за преместување на бегалците од бензинската станица кај Поликастро се одвива без проблеми. Засега од импровизираниот бегалски камп заминаа околу 600 бегалци од Сирија и од Ирак со 14 автобуси. Бегалците одат во новиот бегалски центар во селото Василика, на периферијата на Солун.
Поради акцијата сè уште е затворен дел од автопатот кај Поликастро, а возилата се пренасочуваат по стариот автопат кај Кукуш.
Акцијата ќе продолжи до крајот на денот, а за утре е планирана преселба на околу 2.000 бегалци од бензинска станица кај Идомени.
