Најмалку 28 лица загинаа во Авганистан во лавина предизвикана од обилни снежни врнежи, а се очекува бројот на жртвите дополнително да се зголеми, соопштија локалните власти.
Поголем дел од жртвите го загубиле животот во провинцијата Пањсир, северно од главниот град Кабул, каде поради непрестајните снежни врнежи во последните два дена, блокирани се главните сообраќајници, па спасувачките екипи тешко се пробиваат до селата.