Против Н.Д. (24) од Велес поднесена е кривична пријава поради сомневање дека сторил шест тешки кражби и една кражба,, како и осум кражби за кои е гонет по приватна тужба, информираат од МВР.
„Во периодот 15 јануари 2015 година до 23 јануари 2015 година, пријавениот со кршење на дрвените влезни врати влегол во црквите „Св. Богородица“ и „Св. Пантелејмон“ во Велес, ги скршил дрвените каси и притоа од двете цркви одзел вкупно 8.000 денари. Исто така, пријавениот извршил четири тешки кражби во три куќи и во една продавница лоцирани во Велес. Кражбта ја сторил на тој начин што од базен „Снупи“ во Велес одзел компресор за вода и дел од инвентарот. Одземените предмети од наведените кривични дела му ги продавал на лице од Велес, кое потоа ги продавало во Скопје и во отпадите како старо железо. Со наведеното, пријавениот нанел материјална штета во износ од 102.000 денари“, се вели во соопштението од МВР.
Пријавениот во истиот период сторил и осум кражби за кои е гонет по приватна тужба, при што на оштетените им нанел материјална штета од 39.500 денари.
