fbpx

За третина од светското население климатските промени се предизвик, но не треба да бидат приоритет на владите

Според истражувањето, климатските промени за 33 отсто од населението се сметаат за една од трите најголеми глобални закани, по војната и другите конфликти, и сиромаштијата и гладот. Сепак, само 14 отсто од испитаниците рекле дека борбата против климатските промени треба да биде меѓу трите врвни приоритети на нивната влада

-

Третина од светската популација верува дека климатските промени се еден од најголемите глобални предизвици, но многу помалку веруваат дека ова прашање треба да биде приоритет за нивните влади, се вели во истражувањето објавено денеска, пренесе агенцијата Бета.

Станува збор за истражувањето „Индексот на перцепција на демократијата“, спроведено од февруари до април на речиси 63.000 луѓе во 53 земји каде што живее 75 отсто од населението на земјата. Според него, климатските промени за 33 отсто од населението се сметаат за една од трите најголеми глобални закани, по војната и другите конфликти, и сиромаштијата и гладот. Сепак, само 14 отсто од испитаниците рекле дека борбата против климатските промени треба да биде меѓу трите врвни приоритети на нивната влада.

Од 2022 година, сè повеќе Европејци изјавуваат дека нивните влади треба да се фокусираат на намалување на имиграцијата и помалку да дадат приоритет на борбата против климатските промени.

„Во многу европски земји има нагло зголемување на процентот на луѓе кои велат дека намалувањето на имиграцијата треба да биде главен приоритет на владата. Во исто време, истите тие земји бележат пад на уделот на луѓе кои велат дека борбата против климатските промени треба да биде главен приоритет на владата“, се наведува во истражувањето.

Во Германија, на пример, 44 отсто од испитаниците сакаат нивната влада да се фокусира на намалување на имиграцијата, а 24 отсто на борбата против климатските промени.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.