fbpx

Могилчани со денови отсечени од светот

-

Локалната власт во општина Могила стравува од нови и од катастрофални поплави ако стрежевската акумулација ги испушти водите во реката Шемница. Градоначалникот на Општина Могила, Стево Пивковски, вели дека ситуација во неговата општина сè уште е аларманта бидејќи е под закани од нови поплави. Од минатата недела поплавени се селата Ношпал, Вашарејца, Чарлија и Радобор, каде живеат повеќе од 1.000 жители.

– Ние, могилчани, стравуваме од водостојот на акумулацијата Стрежево. Имаме неофицијална информација дека ако за една недела се наполни акумулацијата, тогаш ќе се испушта водата од езерото преку реката Шемница, а ќе имаме дополнителни проблеми ако нивото на водата во реката Шемница не падне за два-три метри – вели Пивковски.

Општината Могила е отсечена од комуникација поради поплавувањето на регионалните патишта. Пивковски вели дека двете училишта во Чарлија и во Радобор не држат настава, додека, пак, училиштето во Добрушево сè уште работи. Но, децата и наставниците одат на училиште преку регионалниот пат за Тополчани. Во селото Могила и во Ивањевци сè уште има настава.

Општината веќе презема мерки и дадени се насоки на локалното население како да се заштитат луѓето и стоката од поплавите.

А.Б.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

(РЕПОРТАЖА) Надежите на СДСМ испарија во сауната на ВМРО-ДПМНЕ

„Овде е стравотно топло, како во сауна е“, рече професорката Гордана Сиљановска-Давкова на прес-конференцијата во централниот штаб на ВМРО-ДПМНЕ, барајќи марамче да се избрише, пред да ја прогласи победата...