Францускиот министер за внатрешни работи, Бернар Казнев, штотуку најави дека Ласана Батили, еден од вработените во еврејскиот супермаркет „Хиперкашер“, кој беше мета на терористички напад два дена по „Шарли ебдо“, ќе добие француско државјанство по итна постапка.
Француската држава го наградува Ласана Батили за неговата храброст на денот на заложничката драма. Батили, кој е муслиман и имигрант од Мали, на денот на нападот сокри 15 лица во собата-ладилник на маркетот и ја исклучи струјата за да ги заштити од студот и светлата за да не ги види напаѓачот Амеди Кулибали.
Повеќе од 200.000 луѓе се потпишаа на петицијата за барање за државјанство и за орден за Батили.
Батили поднел барање за француско државјанство во јули 2014 година.
