Доколку мигрантската криза се повтори, ќе биде потребно повторно ангажирање на целокупните државни капацитети како и при првиот бран, а многу веројатно и ангажирање на дополнителни капацитети за спречување на илегалното преминување на државната граница на Република Македонија.
Ова денеска го истакнал министерот за внатрешни работи, Агим Нухиу, на Конференцијата на министрите за внатрешни работи и за одбрана во рамките на Салцбуршкиот форум, што се одржува во Виена.
Министерот за одбрана, Зоран Јолевски, на конференцијата нагласил дека договорот меѓу Европската Унија и Турција мора да се почитува и дека постои потреба од унапредување на координацијата и на размената на информации и на податоци помеѓу земјите на т.н. балканска рута.
„Ние очекуваме дека сите мерки преземени од Европската Унија, НАТО и од државите во овој формат, ќе дадат добри резултати. Во тој контекст, од Европската Унија очекуваме интензивен ангажман и лидерство“, рекол Јолевски.
