Францускиот претседател, Франсоа Оланд, повика итно да се спроведат хуманитарни мерки во Сирија за да се создадат услови за „веродостојно примирје“.
Оланд денеска, две недели пред почетокот на мировните преговори за Сирија во Женева, се сретна со Раид Хидџаб, координаторот на опозицискиот тим што ќе преговара со сириската влада.
Францускиот претседател во соопштението наведе дека треба да се овозможи хуманитарната помош да стигне во опколените области, особено во градот Мадаја, кој е под контрола на бунтовниците.
Оланд рече дека сирискиот претседател Башар ал-Асад не може да има улога во иднината на Сирија.
Хидџаб изјави дека опозицијата ќе преговара ако се исполнат неколку услови.
– Не можеме да преговараме со режим сè додека силите на власта го напаѓаат сирискиот народ – рече Хадџиб, при што ги критикуваше и руските воздушни напади.
