На Камен мост во Скопје синоќа по полноќ се случило тешко разбојништво.
Движејќи се во правец кон Центар, три засега непознати сторители извршиле разбојништво над Д.А. (18) од Скопје, при што му одзеле мобилен телефон „хуавеј“, стекнувајќи противправна имотна корист од околу 14.000 денари.
Разбојништвото било извршено на тој начин што сторителите го пресретнале оштетениот, му го попречиле движењето, при што едниот од нив му се заканил со нож. Откако Д.А. им го дал мобилниот телефон, сторителите го напуштиле местото на настанот.
Полициската станица – Центар презема мерки за пронаоѓање на сторителите.
