Најмалку девет лица загинаа кога се урна зграда во селото Шакан во централниот дел на Казахстан, соопштија локалните власти.
Како што се наведува, несреќата се случила во неделата попладне, а според првите наоди, била предизвикана од експлозија во котларница.
Од урнатините на зградата досега се извлечени девет лица, меѓу кои имало и три деца. Во акцијата за спасување учествуваат 300 луѓе.
