Методите на испитување што ЦИА ги користела во случајот со осомничените за тероризам биле многу побрутални отколку што тврдела, соопшти американскиот Сенат.
Во извештајот на Сенатот се наведува дека програмата за „засилено испитување“ на ЦИА не успеала да ги обезбеди потребните информации. Во документот се наведува дека ЦИА ја довела во заблуда јавноста и политичарите во врска со програмата.
Извештајот е презентиран по петгодишната истрага, која ја водеше Одборот за разузнавачки активности на Сенатот.
Програмата на ЦИА требало да резултира со добивање информации за активностите на Ал Каеда.
ЦИА и многу членови на американската администрација досега тврдеа дека програмата е ефективна и оти осуетила многу терористички заговори.