Голите антички статуи во Рим денеска беа прекриени за време на посетата на иранскиот претседател Хасан Рохани на Италија, јавија локални медиуми.
Бројни портали, меѓу кои и оние на весниците „Ла република“ и „Кориере дела Дера“, објавија фотографии од неколку поставки во музејот „Капитолини“ кои целосно биле прикриени со бели панели.
Во музејот „Капитолини“ доцна синоќа Рохани и италијанскиот премиер Матео Рензи одржаа прес-конференција.
Агенцијата АНСА јави дека италијанскиот премиер, на вечерата која ја приредил за иранскиот гостин, наредил да не се служи вино во знак на почит кон вероисповедта на претседателот на Иран.