Израел: Ќе одговориме на иранскиот воздушен напад

Ќе ги оставиме Израелците да зборуваат за тоа. Ние не сме вклучени во нивниот процес на одлучување за потенцијален одговор, изјавил за новинарите портпаролот на Белата куќа

-

Началникот на Генералштабот на израелската армија, Херзи Халеви, изјави дека Израел ќе одговори на иранскиот воздушен напад, но дека сè уште размислуваат кога и како ќе го направат тоа.

Иранскиот напад со проектили и беспилотни летала, рече Халеви – „ќе добие одговор“.

Неговата изјава била дадена за време на посетата на воздухопловната база Неватим, која, според Израел, претрпела мала штета во нападот.

Израелскиот премиер Бенјамин Нетанјаху се состанал со државниот врв за да разговара за можен одговор.

Портпаролот на Белата куќа, Џон Кирби, одбил да каже дали САД биле информирани за плановите на Израел да одговори.

„Ќе ги оставиме Израелците да зборуваат за тоа. Ние не сме вклучени во нивниот процес на одлучување за потенцијален одговор“, изјавил Кирби за новинарите.

Императив е меѓународната заедница „да биде обединета во отпорот на оваа иранска агресија, која го загрозува светскиот мир“, напиша вчера израелскиот премиер Бенјамин Нетанјаху на социјалната мрежа X.

Нетанјаху додава:

„Директно и преку своите терористички посредници Хамас и другите, Иран спроведува целосна кампања на агресија што му се заканува не само на Израел, туку и на целиот Блиски Исток“.

Коментарите на Нетанјаху следуваат по иранскиот напад врз Израел во текот на викендот во кој беа лансирани повеќе од 300 проектили и беспилотни летала.

Од Техеран соопштија дека нападот бил последица на одмазда за смртоносниот израелски напад врз зградата на конзулатот во комплексот на иранската амбасада во Дамаск.

Во меѓувреме, како што пренесува Си-Ен-Ен, Хамас го намалил бројот на заложници што е подготвен да ги ослободи во текот на првата фаза од договорот за прекин на огнот. Во својот последен контрапредлог, Хамас понудил да ослободи помалку од 20 заложници во замена за шестнеделен прекин на огнот, што е преполовен број од 40 заложници кој бил основа на преговорите со месеци наназад. Ова, според Си-Ен-Ен, претставува значителен чекор назад во преговорите.

Поништена набавката за софтверот што требаше да ги оценува медиумските објави како позитивни, негативни или неутрални

Службата за општи и заеднички работи на Владата ја поништи постапката за набавка на софтвер за оцена на медиумското влијание и за конверзија на говор во текст на македонски јазик „on...

Европскиот суд за човекови права го одобри барањето на ЦРТА за привремена мерка во случајот со звучно оружје

Европскиот суд за човекови права (совет од седум судии) на 29 април 2025 година одлучи делумно да го одобри барањето поднесено од страна на ЦРТА и низа граѓански организации, за воведување...

Музичарот „Моби“ дава 500 песни бесплатно за користење на фановите за креативна употреба

Myзичарот „Моби“ (Moby) познат по неговата електронска музика направи 500 негови песни да бидат бепсплатни за симнување и користење. Ова значи дека песните можат да се симнат, преработуваат и да се...

Љупчо Коцевски денеска оствари средба со Амбасадорот на Република Франција

Јавниот обвинител на Република Северна Македонија Љупчо Коцевски денеска оствари средба со Амбасадорот на Република Франција Кристоф Ле Риголер, со кого разговараше за состојбите во јавното обвинителство и за француската поддршка...

Поништена набавката за софтверот што требаше да ги оценува медиумските објави како позитивни, негативни или неутрални

Службата за општи и заеднички работи на Владата ја поништи постапката за набавка на софтвер за оцена на медиумското влијание и за конверзија на говор во текст на македонски...