fbpx

Одложена комисиската седница за законот за јазиците, никој не дојде од Министерство за правда

-

Амандманската расправа за предлог-законот за употреба на јазиците која денеска требаше да почне во собраниската Комисија за европски прашања е одложена, поради, како што соопшти претседателот на Комисијата, Артан Груби, неприсуството на претставници од Министерството за правда.

Како што соопшти Груби, тој добил известување од министерот за правда, Билен Саљији дека е во Летонија, и дека на денешната седница го очекувале заменик-министерот.

– Мора да има претставник на Владата кој ќе се изјасни за 90-те амандмани што се поднесени за Законот – рече Груби, додавајќи дека за продолжението на седницата ќе извести денеска или утре.

Според Деловникот амандманската расправа за предлог-законот треба да трае три дена. Груби тврди дека, роковите, кои веќе течат, се почитуваат.

Тој додаде оти очекува дека на продолжението на седницата ќе дојдат и пратениците од ВМРО-ДПМНЕ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК: Jавен увид и промени во избирачкиот список може да се прават до вечерва на полноќ

Апелираме до граѓаните дека јавниот увид во Избирачкиот список како и промена, запишување и бришење на податоци ќе може да се направи уште денес, 18 март, до 24 часот, соопшти...