Жителите на Скопје изминатава ноќ почувствуваа земјотрес, чиј епицентар бил во Република Косово. Телеметриската сеизмолошка мрежа во земјава, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, денеска на 25.12.2023 година во 03 часот и 26 минути, регистрирале земјотрес чиј епицентар се наоѓа во Република Косово, на 20 километри северо-западно од Скопје, со Рихтерова локална магнитуда ML2.3.
„Според досегашните податоци со кои располага опсерваторијата, земјотресот е почувствуван од населението во околината на градот Скопје, со интензитет од III степени според Европската макросеизмичка скала“, стои во соопштението на Сеизмолошката опсерваторија при Природно-математичкиот факултет во Скопје.
