Земјотрес со јачина од 5,3 степени според Рихтеровата скала ја погоди Јапонија, соопшти американскиот геолошки завод.
Епицентарот на земјотресот, на длабочина од 50 километри, бил североисточно од главниот град на Јапонија, Токио, каде земјотресот предизвикал кратокотраен прекин на железничкиот сообраќај.
Засега нема извештај за евентуални жртви, за причинета материјална штета, а не е издадено ни предупредување за цунами.
Јапонија се наоѓа во област која е многу сеизмички активна.
Во силниот земјотрес која ја погоди земјата на 11 март 2011 година, погинаа речиси 20.000 луѓе.
