Повеќе од 430 луѓе умреле во две држави на југот на Индија поради топлотен бран. Неколку дена по ред температурата надминувала 50 Целзиусови степени, соопштија индиските власти.
Се очекува бројот на мртви да се зголеми затоа што температурата не покажува знаци на намалување.
Топлотниот бран ја зафати Индија пред неколку дена. Во главниот град, Њу Делхи, температурата достигна 45 степени и предизвика прекин на електричната енергија. Најтешко се погодени државите Андра Прадеш и Телангана. Откако од преголема топлина починаа 246 лица, властите во Андра Прадеш го повикаа населението да не престојува долго на сонце.
– Поголемиот дел од починатите биле директно изложени на сонце, постари од 50 години и потекнуваат од работничка класа – рекол Тулси Рани, висок функционер во дирекцијата за природни катастрофи на државата Андреа Прадеш.
