Шефот на елтината единица на Иранската револуционерна гарда, Кашем Солејмани, ги обвини САД дека немаат волја да ги запрат силите на Исламска држава, по падот на ирачкиот град Рамади.
Коментарот на Солејмани, кој го објавија иранските весници, доаѓа откако секретарот за одбрана на САД, Еш Картер, вчера ги обвини ирачките сили дека немаат волја да се борат.
Не е сосема јасно дали изјавата на Солејмани е директен одговор на Картер, бидејќи меѓу овие две земји постојат големи тензии околу иранската нуклеарна програма.
Како што известува дневниот весник „Џаван“, кој е близок до гардата, Солејмани рекол дека САД не направиле ништо да го запрат напредувањето на екстремистите во Рамади.
– Денес никој не се спротиставува на ИД освен Исламска република Иран и државите што ја поддржуваат – рекол Солејмани.