Најсилниот од серијата земјотреси во Албанија, 6,4 степени според Рихтер беше почувствуван и во Македонија. Сеизмолошката опсерваторија при Природно-математичкиот факултет соопшти дека земјотресот е почувствуван со интензитет од пет степени според Европската макросеизмичка скала во Охрид, Струга, Дебар, Гостивар, Тетово, од четири до пет степени во Скопје, Кичево, Битола и со интензитет од три до четири степени во источните делови на земјава.
Според извештаите на албанските медиуми, во потресите животот го загубиле најмалку шест лица, а над 300 се повредени. Причинета е и голема материјална штета.
