Два случаја во кои жени биле нападнати од своите сегашни или поранешни партнери се регистрирани во полицискиот билтен во изминатово деноноќие.
Како што соопшти Министерството за внатрешни работи (МВР), ноќеска во 1 часот по полноќ во СВР Скопје, 35-годишна жена пријавила дека на подрачјето на Кисела Вода, таа и нејзината мајка биле физички нападнати од нејзиниот сопруг Д.Н., кој употребил и тврд предмет.
Вчера пак, во 14 часот и 10 минути во СВР Скопје, 52-годишна жена пријавила дека на подрачјето на Карпош била физички нападната од нејзиниот поранешен сопруг Т.С. од Скопје.
Се преземаат мерки за расчистување на двата случаја, велат од МВР.
