Непознат сторител од магацин на „Македонски шуми“, односно Шумското стопанство „Караџица“, украл неколку парчиња оружје.
Како што информираат од полицијата, случајот бил пријавен вчера, а станува збор за украдени пушки и пиштоли.
Кражбата се случила на неутвреден датум, во периодот меѓу 4 и 17 јуни.
Полицијата засега нема осомничени и презема мерки за целосно расчистување на случајот.