Километарски колони и подолги задржувања има на магистралниот пат А1, кај местото Света Петка, на делницата Удово – Демир Капија, каде утрово се случи тешка сообраќајна несреќа, во која животот го загуби брачен пар, а нивниот седумгодишен син е во критична состојба.
Од АМСМ за „Мета“ велат дека сообраќајот во моментов се одвива по една сообраќајна лента и наизменично се пропуштаат возила во двете насоки.
Оттаму не можеа со сигурност да потврдат за колкави колони возила станува збор, но велат дека се работи за најмалку еден километар долга колона возила, од двете страни на патот.
Засега не се знае кога ќе биде нормализирана состојбата, односно кога патот ќе биде целосно оспособен за сообраќај.
