Најмалку 22 лица исчезнаа кога мост на автопатот меѓу Мумбаи и Гоа се урна во надојдената река.
Властите велат дека два автобуси полни со патници паднале во реката која надошла поради монсунските дождови. На местото на несреќата има 80 спасувачи, но засега не се пронајдени возилата, ниту евентуално преживеаните патници, соопштија полицијата.
– Автобусите не ги воочивме на подрачје од еден километар од мостот. Поради силните струи, можно е водата да ги однела подалеку – вели припадник на спасувачките служби.
Преку реката Савитри водат два моста, а се урнал постариот, изграден во време на британските колонијални сили, пренесуваат локалните медиуми.
Во март годинава се урна надвозник во градот Калкута, при што загинаа 20 лица, а стотина беа сериозно повредени.
