Четири лица се уапсени за време на 13 рации на белгиската полицијата во Брисел и во уште два града, соопшти денеска белгиското федерално обвинителство.
Во соопштението на обвинителството се наведува дека досега, во рамки на истрагата по бомбашките напади во Брисел, приведени се девет лица на испитување.
Обвинителството денеска подигна обвинение за учество во активности на терористичка организација против Абдераман А., кој во средата беше уапсен во бриселскиот кварт Шарбек.
Обвинетиот, кој за време на апсењето држел заложници и беше ранет во ногата, е поврзан со терористичките напади во Брисел, но и со организација која подготвувала напади во близина на Париз.