Австриската полиција уапсила еден Мароканец за време на претрес во бегалскиот центар во општината Фушл во Салцбург.
Тој, наводно, планирал терористички напади во периодот помеѓу претстојниот Божиќ и Нова година.
Полицијата соопшти дека во ноември добила информации за разговор за терористички напади.
– Службата за заштита на уставноста и за борба против тероризмот поведе истрага, ги локализираше и ги идентификуваше осомничените – наведе портпаролот на полицијата, Михаел Рауш.
На основа на резултатите од истрагата, вчера бил спроведен претрес во бегалски центар, а во апсењето учествувале и припадници на специјалната единица „Кобра“, како и експерти за експлозив.
Во акцијата единствен уапсен е 25-годишниот Мароканец.