Турските сили за безбедност убиле 23 курдски милитанти во дводневните операции во два града на југоистокот на земјата, соопштија турските медиуми.
Во градовите Чизре и Силопи, близу границата со Сирија и со Ирак, претходно беше прогласен полициски час, а турските сили покренале операција против припадниците на Работничката партија Курдистан (ПКК).
Во акцијата учествувале 10.000 полицајци и војници, наведуваат турските медиуми.
Триесетгодишната побуна на ПКК одново се распламти во јули, по колапсот на двегодишниот прекин на огнот, а на југоистокот на Турција повторно избија судири.