Турски државјанин вчеравечер на скопскиот аеродром „Александар Велики“ се обидел да прошверцува околу 5 грама хероин, сокриен во куфер со двојно дно, информираат од Министерството за внатрешни работи.
Според полицијата, синоќа околу 20.20 часот на граничниот премин на аеродромот „Александар Велики“, царински службеници при детална контрола на багажот на турскиот државјанин Р.Ј. (39), забележале дека неговиот куфер има двојно дно, направено од пластичен дел на друг куфер. Во него цариниците пронашле 4,622 грама хероин.
Осомничениот и неговиот багаж биле предадени на одделението за истраги при Царинската управа за понатамошна постапка.