Тројцата од 12 загинати во вчерашниот напад со автомобил бомба во Кабул се американски државјани, соопшти Меѓународната коалиција во Авганистан, предводена од САД.
Во нападот, кој беше извршен додека минувал конвој странски возила, се уништени неколку автомобили, вклучително и автобус и оклопно возило.
– Американски службеник, што работел по договор за Решителна поддршка загина на самото место, а двајца американски службеници, што работеле по договор за Решителна поддршка починаа од добиените повреди, се наведува во соопштение на коалицијата на НАТО, позната како „Решителна поддршка“.