Кандидатот за републиканска претседателска номинација, Доналд Трамп, ја оцени одлуката на своите противкандидати, Тед Круз и Џон Кејсик, како „безнадежна“.
„Леле, штотуку е соопштено дека Тед лажгото и Кејсик се обединиле во обид да ме спречат да ја добијам кандидатурата“, напиша Трамп на „Твитер“.
Штабовите на кандидатите за републиканската номинација, Круз и Кејсик, синоќа објавија дека почнуваат заедничка стратегија.
Круз ќе ги фокусира своите ресурси на победа во Индијата, додека Кејсик на западните држави, меѓу кои се Орегон и Њу Мексико.
Трамп води во трката, но мора да обезбеди поддршка од 1.237 делегати. Ако не успее во тоа, републиканците на конвенција можат да изберат и други кандидати, вклучително и тие што не учествувале во трката.
