Во еднодневна посета на Брисел денеска ќе присуствува министерот за здравство, Никола Тодоров, по повод презентирање на извештајот на Европскиот здравствен потрошувачки индекс (European healthcare consumer index – EHCI).
На покана на организаторот на настанот, Европски здравствен потрошувачки индекс, министерот Тодоров ќе одржи обраќање во врска со перформансите на здравствениот систем во Македонија.
Во рамки на посетата на Брисел, министерот Тодоров ќе оствари средба со еврокомесарот за здравје и безбедност на храна, д-р Витенис Андриукаитис.
